今日终于有得休息啦,连续番工番学甘多日,都无好好休过息,平时又晚晚都捱夜,个人都残晒!
以前从来都唔觉得星期六、星期日休息有咩甘特别,但而家,可能系工作压力大左好多,辛苦左好多,能够系星期六或者星期日休息一日,对于我黎讲真系好宝贵好宝贵!
今日早上,爸爸一早就出左去,帮个“亲戚”(其实系一个好疏既亲戚!)睇古董,得番我同妈妈系屋企,平时番工番学都系早出晚归,好少时间陪妈妈,于是我决定系休息既时候要多D陪下距,一早,吃完早餐,我就同妈妈讲:“不如一阵我同你去市场、去好又多,买D靓野,今晚我地打边炉咯!”妈妈都话好,跟住我地就坐车去左芳村中市(中市D野好平!),去到中市,首先见到一档卖肉丸既档口,好多人排队,我谂都应该会几好吃,如果唔系都唔会甘多人排队买啦,行到埋去,有好多好多品种既丸,不过价钱都唔算平,于是我地买左D牛根丸、猪根丸、墨鱼丸,都系14蚊一斤(唔知算贵定算平啊,不过今晚打边炉既时候试过,真系好好味,唔系一般甘好味,正!),跟住妈妈见到有罗定鱼腐卖,都几贵,普通鱼腐先卖9蚊一斤,罗定鱼腐要14蚊一斤,不过最后都买左半斤(试过,超正)!然后去左鸡档,睇下买咩鸡好吃(打边炉哽要有鸡啦),最后拣左2只清远黑凤鸡,7蚊半一斤,2只鸡50蚊,搞掂,下一站!!然后去左冻肉档,打算睇下有无靓肥牛卖,买D番去打边炉,点知无喔,但发现左另一样我中意吃既野,就系潮州鱼皮饺啦,13蚊一盒,我哽系唔会放过啦,买埋,哈哈!!跟住转移去海鲜档,我同妈妈讲,成日系屋企打边炉都系用汤打,不如一阵番到屋企煲煲粥,今晚我地系屋企用粥水打边炉啊,妈妈都话好,试下啦,但我就话,如果用粥水打边炉,落D海鲜会好味好多,可以令D粥鲜好多,跟住睇下D海鲜档,好多海鲜都有得卖啊,鱼、虾、蟹咩都有,不过我就觉得都唔系甘适合打边炉,最后见到一档卖贝壳类既,见到D白贝同贵妃蚌,白贝就5蚊一斤,贵妃蚌就6蚊一斤,最后买左一斤贵妃蚌!妈妈话,打边炉点可以无菜,跟住就去蔬菜档啦,不过用粥水打边炉,唔系每种菜都岩,睇黎睇去,最后买左一把菠菜,2蚊一把,都几大把!!
跟住妈妈就话,该买既都买晒啦,就唔使去好又多啦,但妈妈话好耐无吃过麦当劳啦,想去吃,甘距老人家开到声,我点可能托距手踭呢!跟住去到M记,买左个咖喱麦乐鸡套餐、买左个板烧鸡腿堡套餐,另外要左一块摇摇鸡扒(个咖喱麦乐鸡就勉勉强强啦,咖喱味唔够!块摇摇鸡扒就认真唔掂啦,一D都唔嫩滑!),2杯可口可乐换零度既可口可乐(妈妈中意饮零度多过饮普通可口可乐),送左2个手带(听日番小区如果见到张佳薇就送俾张佳薇),送左2张电影优惠券(睇007可以减10蚊,不过最后我都无拿,因为我都唔会去戏院睇戏),吃饱之后,就打算坐车番屋企啦,点知经过花地湾有间东海堂,妈妈醒起仲有张20蚊既东海堂饼票,于是入左去拣,最后拿左1芒果布丁,2个绿茶蛋糕仔,仲要补1蚊(芒果布丁15蚊一个,绿茶蛋糕3蚊一个)!然后就坐车番屋企咯!
下午系屋企,训左一阵中午觉,3点几起身就去左冲凉,冲完凉就洗下面洗下D油脂,敷下鼻贴去下D黑头,再敷下D绿泥补补水,以前就大把时间做呢D野,而家工作太忙,平时都系洗下面就算啦,衬今日休息,好好补番数先得!
到左晚上,我地就一家三口开始打边炉,一边睇住电视,一边吃住今日买番黎既“战利品”,可能平时都系早出晚归,好少机会同爸爸妈妈吃饭,所以呢餐饭觉得特别好吃,吃饱之后,我就番左入房,坐系电脑前,写左呢篇野啦!
其实,买左D咩、吃左D咩、做左D咩,都唔重要,重要系个过程,工作越忙、越辛苦,休息既时间、陪屋企人既时间,就越觉得矜贵,越觉得要珍惜!虽然今日过得好普通、好平常,但我觉得好开心!可能自己个心会成日都谂住追求一D好复杂既野,但事实上,真正追求既,系一D最简单最基本既野,我觉得我而家既生活已经好好,只不过仲欠缺小小野,多番呢小小野,就可以讲系完美啦,至于系咩野,就无须讲出黎啦,明白我既人自然会明白,唔明白我既人,你可以边到凉爽边到训啦!!
另外,我好想好想睇《爱情呼叫转移II》啊!!!!!

